Eusko Jaurlaritzaren Herrizaingo Sailak astearte honetan alerta laranja abiatuko du, 120 kilometro orduko abiadura gainditu dezaketen haize boladak espero baitira Euskal Autonomia Erkidegoko kostaldean eta haize-guneetan. Bihar goizeko lehen orduetan hasi eta arratsaldeko azken orduetara arte mendebaldeko haizea ibiliko da eta. Hori dela eta, SOS-Deiakek, 112ren bidez, alerta egoeraren berri eman die dagoeneko, larrialdietarako zerbitzuei eta EAEn zerbitzu publikoan diharduten enpresei. Halaber, aholku batzuk helarazi dizkie, prebentziorako beharrezko neurriak har ditzaten. Argazkian, SOS Deiak 112 zerbitzura deitzea gomendatu dute edozein larrialdi egotekotan.
Haize-bolada bortitzak izateko arriskuaren aurrean, Eusko Jaurlaritzako Larrialdiei Aurregiteko Zuzendaritzak eta Babes Zibilak badaezpadako neurriak hartzea gomendatu nahi die herritarrei: pertsianak, leihoak eta leiho-ateak itxi eta finkatzea gomendatu du; baita loreontziak, eguzki oihalak, eta haizeak eraman ditzakeen bestelako objektuak kentzeko ere. Kalean, berriz, jausteko arriskuan dauden erlaitz, harresi eta zuhaitzetatik urruntzeko eskatu die herritarrei. Eta bereziki obretan edo egoera txarrean dauden eraikinetatik gertu kontu ibiltzeko. Bitartean, ibilgailuak arduraz erabili eta abiadura moteltzea eskatu du, kostaldeko bideak, zubiak eta gune arriskutsuak ekidinez. Itsasontziei dagokienez, ahal bada horiek ez erabiltzea eta amarrak gainbegiratzea gomendatu dute Jaurlaritzako arduradunek; eta inola ere ur kirolik egitea. Istripurik izatekotan, 112 SOS Deiak-era deitu behar da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun