Lutxanan ospatu zen pasa den igandean Kanpomartxo jaialdia. Berbots Erandion Euskaraz! taldeak antolatuta, ehunaka euskaltzale eta giro euskalduna maite dutenak batu ziren Lutxanan, jai herrikoi hori berreskuratu zeneko 17. edizioan. Denetarik egon zen, dantza, musika, jan eta edatekoak, ume jolasak, herri kirolak, antzerkia... baina Lutxana Arraun Taldeko 80. urteurrena izanda, klubak, arrauna eta Ibaizabalek protagonismo handia hartu zuten. Propio egun horretarako asmatu zituzten bertso-estropadak, baita ondo baino hobeto burutu ere. Egun berean, Erandio Basamortutik irtenda Ingeniarien aurka nagusitu zen Deustuko Arraun Taldeak irabazi zuen Lutxanan, Arkote, Ondarroa, Kaiku eta Lutxanako neska-mutilen aurka. Horren bertso-kronika umoretsua (mp3) egin zuten Amets Arzallus eta Sustrai Colina bertsolariek Goizargi eta Tximino bateletatik. Eskariak egon baziren ere, bertsolariak ez ziren uretan amaitu. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun