Senerrek palestinarren aurkako erasoetan duen erantzukizuna salatuko dute bihar Areetan
Urtero bezala, Areetan egoitza duen Sener eta Barakaldoko Precicast armagintza enpresetara egingo du bizikleta ibilaldia larunbat honetan, apirilak 10, Kakitzat koordinadora antimilitaristak. Ekimenerako Askapena, Eguzki, Ekologistak Martxan eta Komite Internazionalistak taldeen babesa jaso dute antimilitaristek. Oraingo honetan, aipatu arma enpresek "Israelgo armadaren bidez, palestinar herriari egindako erasoetan duten inplikazioa" salatuko dute. "2001 urtetik hona, Israelgo Rafael armagintza enpresarekin batera, IHU unitateen fabrikazio eta garapenean parte hartzen du Senerrek, Reccelite errekonozimenduko 'pods' oinarrizko osagaia egiteko ezinbestekoak. Sentsore hauek bonbardatuko den helburua kokatzeko eta ardazteko erabiltzen dira", azaldu du Kakitzatek. Horrenbestez, larunbateko bizikleta martxa 11:00etan abiatuko da Bilboko Kale Nagusian dagoen foru jauregitik, Areeta eta Barakaldora iristeko. Argazkian, asteartean aurkeztu zuten bizikleta martxa / © Kakitzat.
Areetan egoitza duen Sener enpresak ingeniaritza militarrean dihardu eta Eurofighter europar konbate-hegazkinaren zein KEPD-350 Taurus gurutzaldi-misilen osagaiak egiten ditu. Precicastek, berriz, Airbus A400M garraio militarrerako hegazkinaren piezak eta europar konbateko hegazkinak egiten dit
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun