"Euskal Herriak aldaketa soziala" leloari helduz, "Diagnostikotik, aldaketarako abiapuntua" izenburuko hitzaldia eskainiko du asteazken honetan, apirilak 14, Astrabuduan, Herria Abian plataformak. Egoki Kultur Elkartearen laguntzaz, 19:30ean jarri dute hitzordua, aipatu taldearen egoitzan, Etxegorri kaleko 6. zenbakian, Astrabuduako metro geltokitik 5 minutura. Hala ere, ez da hori inguruan egingo duen ekitaldi bakarra izango. Bi asteazken barru, hilaren 21ean, Udondo gaztetxean eskainiko dute hitzaldia, 19:30ean, aipatu zentro sozialaren eta Sare Antifaxistaren laguntzaz. Euskal Herriko herri sektoreok (langileak, langabeak, pentsiodunak, gazteak, emakumeak, etorkinak, nekazariak, eta abar) “krisia” delakoaren aitzakian pairatzen ari garen "erasoaldi atzerakoiari aurre egiteko", aldaketa sozialaren alde sortutako herri plataforma da Herria Abian. Bizkaian zehar antolatuko diren hitzaldi ezberdinetan Aldaketarako Abiapuntuari buruz arituko dira. Argazkian, emakume bat Herria Abianek zabaldutako manifestua eskuan / © Herria Abian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun