Jose Antonio Agirre eta Lekube Eusko Jaurlaritzako lehenengo lehendakaria eta Getxoko alkatea (1931-1933) izan zenari omenaldia egingo diote ostegun honetan, apirilak 15, udaletxeko batzar areto nagusian. Ordua eguerdiko 12etan jarri dute. Ekitaldia bere heriotzaren 50. urteurrena dela eta AL50 Agirre Batzordeak antolatutako egitarauaren barruan dago. Omenaldira Agirreren senitartekoak, euskal politikariak eta Agirre Batzordeko ordezkariak joango dira. Imanol Landa Getxoko alkateak eta Agirre lehendakariaren senitartekoek hitz batzuk zuzenduko dizkiote bertara bildutakoei. Ondoren, guztiak Agirre-Zabala familiak izan zuen etxebizitzara joango dira, Neguriko Miramar kaleko 2. zenbakira, San Inazioko elizaren aurrean. Bertan oroitzapenezko plaka bat estalgabetuko dute. Argazkian, Juan Maria Atutxa Sabino Arana Fundazioaren presidentea eta Aintzane Agirre lehendakariaren alaba, joan den igandean Donibane Lohitzunen egindako omenaldian / © AL50 Agirre Batzordea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun