Aitor Bores Gutierrez Sopelako euskal preso politikoa Zuerako (Zaragoza, Espainia) espetxetik Langraizera eraman dute, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. 2009ko udan aldatu zuten kartzela zaragozarrera, Murtziatik aterata. 43 urteko sopeloztarra 1998ko martxoaren 19an atxilotu zuen Guardia Zibilak. Espainiako Auzitegi Nazionalak 25 urteko espetxe zigorra ezarri zion Araba komandoa osatu (1996an) eta Arakako kuartelaren kontrako atentatua (1997ko maiatzaren 17an) egitea egotzita. Bestalde, Albocassereko (Castello, Herrialde Katalanak) espetxeko euskal preso politikoek tratu txarrak salatu dituzte "Gara" egunkarira bidalitako gutun batean. Sinatzaileen artean dira Jagoba Terrones eta Patxi Markes berangoztarrak. Argazkian, Aitor Boresen irudia ezkerrean, gatibu sopeloztarra ere den Urko Labeagaren argazkiaren alboan / cc-by-sa Gari Garaialde - Zuzeu.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun