Estalitako esparruak, besteak beste, umeentzako 140 metro koadroko jolasgunea eta ostalaritza zerbitzua emateko 120 metro koadroko taberna-terraza hartuko ditu. Horretaz aparte, eremu horretatik kanpo, 960 metro koadroko kirol esparrua egokituko dute, kirol anitzerako kantxa batekin, saskibaloi txikirako beste kantxa batekin eta mahai-teniseko 3 mahairekin. 800 metro koadroko bidegorri tartea ere izango da bertan eta 285 metro koadroko umeentzako bigarren jolasgunea. Berdeguneek, bestalde, 5.200 metro koadroko eremua beteko dute, guztira. "Neguri auzoa berritzeko pauso handia" dela adierazi du Imanol Landak, eta "belaunaldi eta pertsona guztientzako" parkea izango dela gaineratu du, ezinduentzako behar besteko moldapenak eginez.
Erakusketa
Proiektuaren berri emateko, Udalak bulego bat jarri du parkean, eta bertan, auzokideek beren iritziak eta iradokizunak zabaltzeko aukera izango dute. Bestalde, modulu berean, "udalerria eraldatzeko proiekturik garrantzitsuenak" erakutsiko dira ere: Getxo Antzokia, Romo Kultur Etxea, BiscayTIKen Bake Ederreko egoitza eta Areetako Merkatuko enpresa elkartegia... Erakusketa hilaren 28ra arte egongo da zabalik 17:00etatik 21:00ak arte, astelehenetik ostiralera, eta 11:00etatik 14:00etara eta 17:00etatik 21:00tara, asteburuetan.
Neguriko Gernika parkean egingo den berritze proiektua aurkeztu du, gaur goizean, Imanol Landa Getxoko alkateak, Joseba Arregi Hirigintza Arloko zinegotziarekin batera. Aipatutako eremuak dituen 15.500 metro koadrotik 655 metro koadro umeen jolasetarako esparru estalia izango dira, besteak beste. Proiektua "Getxo udalerriko parkeetan egindako inbertsiorik handiena" izango dela nabarmendu du Landak, 3.000.000 eurotakoa, hain zuzen ere. Alkateak aipatu duenez, “parke hau auzotarren ordezkariekin egiaztatu da. Hauek beren iradokizunak, irizpideak eta iritziak helarazi dizkigute, Udalarekin elkarlanean. Beren irizpide eta aholkuekin osatu dugu ere parkearen proiektu hau”. Bitartean, Marisa Arrue Getxoko PPko bozeramaileak azken hori gezurtatu du gaur Aldapa auzoan emandako prentsaurrekoan. "Bere parkea diseinatu egin du eta auzotarrei inposatu egin die inolako kontsulta barik", aipatu du. Hala ere, Udalak zabaldu duenez, plazan bertan jarritako erakusketa bulegoan edozeinek helaraz ditzake beren iradokizunak, hilaren 28ra arteko epean. Argazkian, Landa eta Arregi proiektua aurkezten. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun