![](http://farm5.static.flickr.com/4063/4534368036_1408224b58_m.jpg)
Bost egunez Guardia Zibilaren eskuetan inkomunikatuta eduki ondoren, gaur eramango dituzte Fernando Grande Marlaska epailearen aurrera
joan den astean atxilotutako hamar herritarrak. Horrela jakinarazi du, behintzat,
Europa Press albiste agentzia espainolak. Arantza Zulueta Lemoizko bizilaguna, Saioa Agirre Sopelako Zipiriñe ikastetxeko andereño zornotzarra, Erramun Landa Arte Ederretako fakultateko Pintura Saileko irakaslea eta beste zazpi lagunak asteazkenean atxilotu zituzten guardia zibilek Grande Marlaskaren aginduz. Senideek salatu dutenez, Landa eta Agirre Bilboko Basurtuko erietxera eraman behar izan zituzten atxilotu eta ordu batzuren buruan. Lapurdin atzemandako David Plak Frantziako Poliziaren esku jarraitzen du. Atzo
milaka lagunek parte hartu zuten Bilbon eta Donostian polizia operazio hori salatzeko egin ziren manifestazioetan. Argazkian, Bilboko manifestazioa / cc Askatu.org.