Leioa Kantika Koralak bere hurrengoko estreinaldia prestatzen hasi da. Oraingoan, Vasco Negreiros konpositoreak egindako "As palavras na barriga" opera interpretatuko dute. Juva Batella idazlearen "O menino que guardava as palavras na barriga" liburuan inspiratutako lana da. Lisboako "Dias da musica" jaialdian estreinatzea espero du Kantikak; Belemeko kultur zentroan, apirilaren 23, 24 eta 25ean, hain zuzen ere. Sei urtetik gorako umeei zuzenduta dagoen lan hori Filarmonika das Beiras orkestrarekin aurkeztuko du Leioako taldeak, Vasco Negreiroren zuzendaritzapean. Eszenako zuzendaritza Luca Aprea italiarraren eskutik joango da eta eszenografia Luis Santosena izango da. Bakarlari lanak, bestalde, Beatriz Bagulho, Rebeca Amorim eta Camila Robert abeslariek egingo dituzte. Leioa Kantika Korala Aveiron izan da Aste Santuko oporretan, obrako gainontzekoekin batera, muntai eszenikoa eta musikala egiteko. Laster, Lisboara joango dira estreinaldia egiteko. Argazkian, Leioako Kantika Korala / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun