"Ereagatik Matxitxakora" eta "Aberria" filmetan kostaldeko hainbat paisaia eta une horretako kultur arloko pertsonaia batzuk ikus daitezke, tartean Enbeita eta Lopategi bertsolariak eta Victor Olaeta dantzaria.
Dokumentalen protagonista ugarien asistentzia espero dela, ekitaldian besteak beste, Ion Lopez Euskal Filmotekako teknikariak parte hartuko du, lanen garrantzia eta Bartzelonako laborategi batean aurrera eramaten ari den masterizazio prozesuaren nondik norakoak azaltzeko. Proiektu hori Getxoko, Bermeoko eta Gernikako Udalek, Uribe Kostako Mankomunitateak eta Bizkaiko Foru Aldundiak hartu dute bere gain. Ekitaldirako sarrera doakoa izango da.
Euskarazko lehenengo dokumentalak 1963an eta ezkutuan filmatu zituen Gotzon Elortza errealizadore algortarra omenduko dute bihar, ostirala. Ekitaldia Areetako Andres Isasi musika eskolan izango da, arratsaldeko 7:30ean. Elortzak Aixerrotaren erreplika jasoko du Imanol Landa alkatearen eskutik. Izan ere, Udalak Elortzaren lana "goraipatzekoa eta eskertzekoa" dela nabarmendu du eta Aixerrota da Getxoko Udalak banatzen duen saririk nagusiena. Horrekin batera, "Ereagatik Matxitxakora" eta "Aberria" euskarazko lehen dokumental horiek proiektatuko dira. Ekimena, Getxoko Udal Euskara Zerbitzuak pasa den martxoaren 25ean abiatu zituen "Ondare Udabarria" lelopeko hizkuntza ondare jardunaldi arrakastatsuen barruan kokatzen da. Egun horretan, 200 lagun baino gehiagok leporaino bete zuten Fadura polikiroldegiko areto nagusia, Mikel Gorrotxategik egindako "Getxoko izenak: aldeetxe eta leku izenak" liburuaren aurkezpena (mp3) entzuteko. Argazkian, Gorrotxategiren hitzaldiaren irudi bat. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun