Herri udalekuei dagokienez, “Udako ludotxikia” 2005etik 2007ra bitartean jaiotako neska-mutilei zuzenduta egongo da. 10:00etatik 14:00etara izango dira jarduerak, txangoak ere egingo dituztela. Irteera egunetako ordutegia, 17:00ak arte izango da. “Gazte euskaltegia” ekimenak egitarau berezia izango du. “Ikerlari txikiak” lelopean, jarduera ezberdinak arilkatuko ditu. Oraingo honetan, 2001 eta 2004 urteen artean jaiotako lagunei egongo da bideratuta. Ekainaren 28tik uztailaren 23ra bitartean izango dira jarduerak eta, honetan ere, irteera bereziak egingo dituzte. Egun horietan, 19:00ak arte luzatuko dute ordutegia.
Ekainaren 28tik uztailaren 23ra ere “Abenturazko uda” eskainiko du udal Ludoklubak. Horrek ere 19:00etara arteko irteera bereziak hartuko ditu. Baina, oraingo honetan, 1998tik 2000ra artean jaiotakoei egongo da zuzenduta. 1998 eta 1992 urte artean jaiotakoentzat, berriz, “Uda gaztea” prestatu dute. Kasu honetan, udaleku bi mota ezberdin proposatzen dira: ekainaren 29tik uztailaren 2ra, udaleku itxiak Lekeitioko aterpetxean. Ondoren, uztailaren 23ra bitartean, udaleku irekian abian izango dira, arratsaldez, 16:00etatik 20:00etara. Salbuespen bezala, txango egunetan 10:00etatik 19:00etara egingo dituzte irtenaldiak.
Aurten, lau aukera ezberdin izango dira Berangoko herri udalekuetan, 1992tik 2005era bitartean jaiotako txikiei zuzenduta. Jarduera erakargarriak eskaintzea da helburua, baita ere aita-amek euren lana eta seme-alaben heziketa uztartzeko aukera izan dezaten, udal iturriek zehaztu dutenez. Aita-amei, argitzea, izena emateko epea apirilaren 26tik maiatzaren 3ra luzatuko dela, biak barne. Tokiak mugatuak dira eta, horiek baino eskatzaile gehiago badago, zozketa egingo dute. Beti ere Berangon erroldatuek izango dute lehentasuna. Bestalde, Berangoko kultur etxeek adin guztietarako irteera antolatu dute Gernikara. Maiatzaren 25ean, besteak beste, Madariaga dorretxea (Euskal Herriko Biodibertsitatearen Ikerketarako Zentroa, Busturian) eta Euskal Herriko museora egingo dituzte bisitak, familian egiteko tailer bereziak izango direla. Horretaz gain, herri bazkaria izango da. Informazio eske, kultur etxeetara jo beharko da. Izena emateko epea apirilaren 26tik maiatzaren 3ra egongo da zabalik. Argazkian, haur zein gurasoak hainbat jarduerez gozatzen Berangoko frontoian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun