Ikasle Abertzaleak erakudearen oharra:
Gaur, martxoaren 22, osteguna, UPV-ko Klaustroa burutu da Bilboko San Mameseko Fakultateko Gradu Aretoan. Klaustroa aprobetxatuz, Ikasle Abertzaleakeko Klaustrokideek salaketa egin dute UPV eta Barne Saiaren artean egin duten hitzarmenaren harira. Klaustroan bertan, Ikasleak buzo laranjaz eta eskuak loturik, hitzarmen honek ekarriko duen errepresioa eta campus poliziala salatu dute Unibertsitatea Guantanamo handi bat bezala irudikatuz. Fakultate sarreran, unibertsitateko lurretan, berriz, beste ikasle talde batek kontzentrazioa burutu du azken urteetako argazkiak erakusten, non ikasleak kolpatuak, Ertzaintzaren presentzia eta segurtasun indar pribatuak agertzen diren.
Horrela, salatzen hari zena beste behin ere egi bihurtu eta Ertzaintzak 10 ikasle identifikatu ditu. Horrez gain paretetatik jarritako argazkiak kendu eta bertako ikasleak bazterrera bidali ditu kontzentrazioa ekiditeko asmoz. Beste behin ere, ertzaintza unibertsitateko esparrura sartu eta ikasleriaren hitza isilarazi du inori baimenik eskatu gabe. Horrelako adibideak dira ikasleak hitzarmen horren kontra egoteko dituen arrazoiak. Gertakari hauen aurrean, Iñaki Goirizelaiari argibideak eskatzen dizkiogu eta horrelako Hitzarmenak sinatzen direnean, erantzukizunak hartu behar direla helarazten diogu. Bestalde, argi utzi nahi dugu, bera dela unibertsitate polizial honen erantzulea, eta bera dela horrelako gertakariak ahalbideratzen dituena. Horregatik, exijitzen diogu lehen bai lehen unibertsitate polizial honekin bukatzeko. Hitzarmen errepresiborik ez egiteko.
Bukatzeko, Goirizelaia errektoreari argi utzi nahi diogu, ez dela egongo kamara, segurata, polizia edo hitzarmen errepresiborik Ikasle Mugimendua geldituko duenik eta Ikasle Mugimendua bera izango dela egoera honi buelta emango diona!
Gora Ikasle Mugimendua!
Atzo goizean, EHUko Klaustroaren bilera izan zen, Bilboko Ingeniaritza Goi Eskola Teknikoko Fakultateko gradu aretoan, San Mamesen. Bertan, Euskal Herriko Unibertsitatea eta Herrizaingo Sailaren arteko hitzarmena salatzen ari ziren ikasle talde batetik 10 identifikatu zituen Ertzaintzak, unibertsitateko esparrura sartuz, Ikasle Abertzaleak (IA) erakundeak salatu duenez. Protestan zeudenek bi ekimen ezberdin egiten zebiltzan: batetik, Klaustroan bertan zeuden IAko ordezkariek "campus errepresiboaren eta polizialaren irudia" salatu zuten, buzo laranjaz jantzita eta eskuak loturik. Bestetik, Fakultate sarrerakoek kontzentrazioa burutu zuten, "azken urteetan ikasleek pairatutako errepresioa islatzen duten argazkiekin batera". Argazkian, Ertzaintza campusean aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun