Laster zabalduko dute Algortako Egunsentia haur eskolan izena emateko epe berria

Maiatzaren 3tik 14ra egongo da zabalik, 2010-2011ko ikasturterako, Algortako Egunsentia haur eskolan izena emateko epea. Getxoko Udalak zehaztu duenez, zentroan bertan bete beharko dute interesatuek izen-emateko orria, hau da, Foru kaleko 16. zenbakian. Eraman beharreko dokumentazioari buruzko xehetasunak Haurreskolak Partzuergoaren web gunean aurki daitezke edo bestela Udaleko Hezkuntzako Sailera joaz. 0 eta 2 urte bitarteko 84 umeentzako lekua du Egunsentia haur eskolak. Guztiz hornituta dauden 8 gela ditu: 4 gela, 0 eta urte 1 bitarteko umeentzat (8 ume gelako) eta beste 4 gela, 1 eta 2 urte bitartekoentzat (13 gelako). Argazkian, urtarrilean inauguratu zuten Egunsentia haur eskola udal arduradunek / © Getxo.net.