![](http://farm3.static.flickr.com/2721/4343410782_5de00b96f3_m.jpg)
Estatu kolpea, errepresioa eta frankismoagatik kaltetuen
Ahaztuak 1936-1977 elkarteak otsailean iragarri zuen sinadura bilketa abiatuko zuela Bizkaiko hainbat udalerrietan. Horren bidez, tokian tokiko udal gobernu eta instituzio publikoak behartu nahi dituzte, "egun oraindik bizirik dirauen sinbologia frankista" kentzera. Besteak beste,
Plentziako Udalak "
Jose Daniel Lacalle Larraga (espainolez) militar zein hegazkinlari kolpistari eta Francoren Aireko ministroa izandakoari emandako
urrezko domina (espainolez, pdf) oraindik indarrean" dirauela salatu zuten orduan. Gauzak horrela, Lacalle Larragari izendapen hori ken diezaiola exijitu zion Isabel Zarauza alkate independentea buru duen Gobernu Taldeari Martxelo Alvarez Ahaztuak elkarteko bozeramaileak. Halaber, bilkura aretotik diktadura garaiko alkateen irudiak erretiratzeko eskatu zioten. Bada, eskaera horiek bideratzeko asmoz, igande honetan (maiatzak 2) hasiko dira sinadurak batzen Plentzian. Horrenbestez, bi mahai jarriko dituzte: bata zubian (Pirulin) eta bestea hondartzako ibiltokian, ospitalearen aurrean. Argazkian,
alkateen irudiak Plentziako udaletxean / ©
Plentzia, Gorliz eta Lemoizko ezker abertzalea.