"Aurrez aurreko galduak, zigor gehituak eta jazarpen poliziala nabarmen" izan dira espetxeetan azken asteburuan, Etxerat euskal preso politikoen senideen elkarteak salatu duenez. Besteak beste, Jabi Gallaga algortarraren amak eta Jagoba Terrones berangoztarraren senideek aurrez aurrekoak galdu dituzte, "araketa umiliagarrien saiakerak direla-eta". Lehenengoa Kordobako (Andaluzia, Espainia) espetxean daukate eta bigarrena Albocasseren (Castello, Herrialde Katalanak). Bestalde, Alacanteko Villena espetxean daukaten Paul Asensio algortarraren anaia bederatzi hilabetez zigortu dute bisita barik, Etxeratek dioenez. Bitartean, apirilerako azken ostiralerako, biharko, bederatzi elkarretaratze deitu ditu Uribe Kosta eta Erandion euskal preso politikoen senideen elkarteak. Argazkian, presoen aldeko elkarretaratze bat Algortan.
Ondokoak izango dira hitzorduak: 19:30ean, Armintzan, bus geltokiaren aurrean; 20:00etan, berriz, Erandion, metro aurrean; Leioan, Bulebarrean; Itzubaltzeta / Romon, Xake plazan; Algortan, Telletxe plazan; Berangon, Gudari enparantzan; Sopelan, udaletxe aurrean; Urdulizen, BBVAren aurrean; eta Plentzian, zubiko "Pirulin".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun