Martin Etxegarai berangoztarra Puerto II (Cadiz, Espainia) espetxetik Andaluzia aldeko Almeriako espetxera aldatu zuen joan zen astean, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Almeria Berangotik 970 kilometrotara dago. Beste alde batetik, Berangokoa ere den Lexuri Gallastegi Frantziatik Espainiara eraman zuten martxoaren hasieran eta, harrez gero, isolamenduko moduluan bakartuta izan dute Soto del Realen (Madril, Espainia), apirilaren 20an Naia Zurriarain euskal preso politikoa ere bertara sartu duten arte. Arantza Zulueta Lemoizko bizilaguna, Saioa Agirre Sopelako Zipiriñe ikastetxeko irakasle zornotzarra, Erramun Landa Arte Ederretako Fakultateko Pintura irakaslea eta beste sei lagun atxilotu zituzten egunean atzeman zuen deustuarra. Orain Gallastegi eta Zuriarrain daude modulu berean, isolamenduan, alegia. Argazkian, presoen aldeko elkarretaratze bat Berangon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun