"Egunkaria"-ri buruzko epaian, akusatuek ETArekin “inolako harremanik” ez dutela idatzi zuten Goreneko epaileek eta absolbitu egin zituzten. Akusazioek lana gaizki egin zutela azpimarratu zuten Javier Gomez Bermudez, Manuela Fernandez Prado eta Ramon Saez Valcarcel magistratuek: “Atzekoz aurrera egin dute indukzio prozesua. Lehenbizi, erabaki da zein den ondorioa (…); gero seinale, zantzu eta aztarna bila hasi dira; eta azkenik arbuiatu egin da ondorioarekin bat ez datorren ezein esplikazio”.
Auzi ekonomikoa
Baina orain irmoa den absoluzioa auzi orokorrari dagokio. Auzi ekonomikoa, berriz, oraindik zabalik dago, iruzur delitua egozten baitzaie zortzi lagunei. Horren harira, Dignidad y Justiciak jakinarazi duenez, horien kontra "borrokan" jarraituko dute. Defentsak auzia Donostiako epaitegira pasa nahi du, absoluzioaren bidez "ustezko terrorismo delitua" desagertu eta delitu normala izatera pasa delako, baina DyJk Auzitegi Nazionalean epaiketa egiteko ahaleginak egingo dituztela hitz eman dute.
"Egunkaria"-ren absoluzioa irmoa da herri akusazioek ez dutelako helegiterik jarriko
"Euskaldunon Egunkaria"-ren itxiera auzia behin betikoa eta irmoa da iada. Izan ere, AVT eta Dignidad y Justicia elkarteek ez dute absoluzio epaiaren aurkako helegiterik jarriko Espainiako Auzitegi Gorenean. Berria.info-k jakinarazi duenez, bi elkarte horietako presidenteek, prentsaurrekoa gaur 12etan Madrilgo (Espainia) hotel batean. Bertan aitortu dute ere Gorenean ere galduko luketela. Gainera, helegitea sartu eta atzera joko baliete, 20.000 euroko kostu judizialak beren kontura ordaindu beharko lituzkete, AVTko abokatuaren arabera. Hala ere, Daniel Portero DyJko presidenteak "Egunkaria"-k ETArekin lotura zuela esanez tematu egin da eta hori erakusten omen duten datuak "gaizki interpretatu" zituela Auzitegi Nazionaleko epaimahaiak, baina honen "borondateagatik eta iritzi irizpideengatik" eman zen absoluzio epaia. Horrela, Joan Mari Torrealdai, Iñaki Uria, Txema Auzmendi, Martxelo Otamendi eta Xabier Oleaga auzipetuak, euren kontrako frogarik ez dagoela ebatzita, absolbitu egin dituzte. Argazkian, auzipetuek Bilboko Euskalduna Jauregian egindako esker ekitaldian / © Egunkariaren Alde elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun