Gizonezko bat atxilotu dute Erandion beste bati labankada bat ematea egotzita

Atzo arratsaldean, hainbat ertzainek 37 urteko gizonezko bat atxilotu zuen Erandion erailketa saiakera egotzita. Leporatutako erasoaren biktimak labankada bat jaso zuen lepoan "atxilotutakoarekin herri hartako taberna batean eztabaidatu ostean", Herrizaingo Sailak zabaldu duenez. Gertaera joan den asteartean jazo zen arratsaldeko zortziak aldera. Ordu horretan, Erandioko lokal batetik anbulantzia bat eskatu zuten, pertsona batek labankada jaso zuelako. Ertzaintzako patruila bat eremu horretara hurbildu eta gizonezko bat odoletan ikustean, Gurutzeta ospitalera eraman zuen. Ingurukoen testigantzak hartu ostean, susmagarriaren bila hasi ziren. Atzo goizaldean, ustezko erasotzailearen berri jaso zuten, eta ordu bata eta erdietan, akusatua atxilotu zuten ustezko erailketa saiakera egotzita.