![](http://farm4.static.flickr.com/3034/4566080498_981713e272_m.jpg)
Arratsaldeko lehen ordutik gaztetxea txukuntzeko lanetan dabiltza Sopelako Sekeko errotan. Hitzordua 16:00etan jarri dute, pasilloko zorua jartzeko eta kanpoko muralaren basea margotzeko,
Gazte Asanblada Sopeloztarreko (GAS) kideek azaldu dutenez. Bihar ere auzolanak izango dira Sekekon, goizeko 10etatik aurrera. GASek Sopelako Lizarre auzoko (metro geltokiaren atzealdean) Sekeko errota okupatu eta bertan gaztetxea zabaldu zuen abenduaren 19an. Sekeko gaztetxea antzinako errota eta korta banak osatzen dute eta, sartzerakoan, azpiegitura "oso egoera onean" zegoen arren, gazteek "lan eskerga" izaten ari dira dena garbitu eta txukuntzeko. Orain dela gutxi jabeei eskainitako
kontratua sinatu egin dute neska-mutilek. Hortaz, hemendik aurrera "legalki" ibili ahal izango dira ekintza, ekitaldi, kontzertu eta hainbat gauza gehiago egiten, gutxienez hurrengo 3 urte hauetan, "horrela hitz eginda dagoelako". Argazkian, bi gazte Sekeko atontzen / © Gazte Asanblada Sopeloztarra.