Legaltasun demokratikoa defendatzen zuten alderdi guztiek osatutako kontzentrazio gobernuaren buru izan zen: abertzaleak, sozialistak, komunistak eta errepublikanoak. “Euskal oasia” izena ere hartu zuena gobernatu zuen, gerraren une latzenak gizalegez bizi izan zituen Herria eta gizartea, Estatuko beste leku batzuekiko desberdintasun handiekin.
Agirre izan zen gerra bat galdu zuen belaunaldiaren adierazgarririk handiena. Gerrarekin bat, senitartekoak eta lagunak galdu zituen, frontean eta kartzeletan. Ondasunak ere galdu zituen, behin espoliatuta erbeste luzera alde egin behar izan zuen. Guztia galdu zuen. Guztia gauza bat izan ezik, ordezkari publiko batentzat garrantzitsuena izan behar duena: bere Herriaren errespetua, konfiantza, maitasuna eta miresmena.
Esker on publiko eta orokorraren urtea da hau. Milaka pertsona anonimok gaur egun oraindik bizimodu eta konpromiso eredu ikusten eta sentitzen dute Agirre lehendakaria. Gizarte zibilak ere ez du inoiz oroimen kolektibotik ezabatu. Eta azkenik, euskal erakundeek ere esker ona zor diote, Jose Antonio Agirre ordezkaririk duinena izan baitute: Gobernua, Legebiltzarra, Aldundiak, Batzar Nagusiak eta Udalak.
Agur eta ohore Lehendakari, Egun handira arte.
Eneko Arruebarrena Leioako alkateak herenegun Leioa.eu udal webgunean argitaratutako artikulua.
[© Eneko Arruebarrena - Leioa.eu] 50 urte bete dira orain Euskadiko aurreneko lehendakaria zendu zenetik, Jose Antonio Agirre eta Lekube. 1960ko martxoaren 22an joan zen, erbeste gordin eta gogorrean, frankisten tropek okupatuta euskal lurra beharturik utzi baino 23 urte geroago. Ez zuen Euskadi berriz zapaldu harik eta Donibane Lohitzuneko hilerri apalean ehortzi zuten arte. Jose Antonio Agirre Getxoko alkate izan zen oso gazte zela. Oso gazte ere, Errepublikako Gorteen diputatu izan zen Nafarroatik. Gazte zen Gernikan Euskadiko Gobernuaren lehendakari hautatu zutenean, eta handik kilometro gutxira, Bizkaia erasotzen ari ziren erreboltarien kanoiak entzun zitezkeen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun