Bestalde, hilaren azken ostiralean, maiatzak 28, Lamiako auzoko kaleetan barrena ibiliko dira, Mari, Aker, Inguma eta beste hainbat pertsonai mitologiko; San Maximo jaien barruan. Hain zuzen ere, hilaren 30ra arte luzatuko dira ospakizunak. 17:30etik aurrera eta gaua heldu bitartean, magiaz beteko dituzte Leioako inguru horretako txoko guztiak. 1978tik hona, Euskal Herriko mitologiaren antzezpena egiten du urtero Lamiako Maskarada kultur elkarteak. Alde batetik, jentil mitologiaren eta kristautasunaren arteko borroka uztartzen dute. Eta bestetik, auzoari berari izena ematen dion Lamiaren istorioa.
Euskal Jaiaren Egitaraua:
12:00 Euskal Jaiaren hasiera eta umeentzako tailerrak.
15:00 Herri bazkaria (txartelak JG, Menoyo, Kurkudi eta San Bartolomeko "PI"ren tabernan, 12 eurotan). Ondoren irrintzi txapelketa. Aurtengo saria spa sesioa izango da.
18:30 Dantza alardea Txikiak-txiki taldearekin.
19:30 Kantu poteoa.
21:00 Erromeria.
Egun osoan zehar trikitilariak egongo dira auzoa soinuarekin girotzeko eta alaitzeko.
Urtero legez, maiatzaren azkeneko ostiralean antzeztuko dute maskarada Lamiakon. Hala ere, giroa pizten hazteko, aurten ere euskal jaia antolatu du Lamiako Maskarada kultur elkarteak. Larunbat honetan, hilak 8, ospatuko dute, "Lamiakok lehengoaren lepotik, geureari eutsi!" lemapean. Horrenbestez, eguerdiko 12etan hasiko dira ekitaldiak, haurrentzako tailerren eskutik. Hala ere, ez dira faltako herri bazkaria (15:00), irrintzi txapelketa, Txikiak-txiki dantza taldearen erakustaldia (18:30), edota kantu poteoa (19:30). Herri bazkarirako txartelak Menoyo, JG, Kurkudi eta San Bartolomeko "PI"ren tabernan egongo dira salgai, 12 eurotan. Euskal jaiari amaiera emateko, berriz, erromeria izango da 21:00etan. Egun osoan zehar trikitilariak egongo dira auzoa soinuarekin girotzeko eta alaitzeko. Argazkian, orain bi urteko euskal jaia Lamiakon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun