Pasa den apirilaren 25ean Nafarroaren Eguna ospatu zuten Baigorrin milaka lagunek. Besteak beste, Erandion Euskaraz Berbots! elkarteko hainbat kide eta Uribe Kostako Berbalagun proiektuko makina bat partaide izan ziren bertan. Leioan, berriz, beste bide bat jarraitu dute Nafarroara hurbiltzeko eta gaurko eta hilaren 13rako ekimen bana antolatu dute. "Finean, nafarrak" lelopean eta Leioako ezker abertzaleak antolatuta, Euskal Herriaren nafartasunaz hausnartuko dute leioaztarrek. Gaurko saioa Kurkudi herriko tabernan abiatu dute 19:30ean. Bertan, bideo emanaldia eta kafe-tertuliaz gozatzeko aukera izango da. Hilaren 13an, ordea, "De la conquista de Nafarroa al Estado vasco" hitzaldia emango du, espainolez, Floren Aoiz Nafarroako legebiltzarkide ohia eta politikan adituak. Hitzaldia Kurkudin izango da, 20:00etan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun