![](http://farm3.static.flickr.com/2473/3786579086_e1a180d0f6_m.jpg)
Abian dira jada Itzubaltzeta / Romo eta Pinuetako Jai Batzordeak antolatu ohi dituen sariketak. Hau da, marrazki eta herriko musika taldeen lehiaketa. Horietako batean edo bietan izena emateko epea ekainaren 15era arte luzatuko da. Lehenengoan, marrazki lehiaketan, hiru modalitate ezberdin izango dira: kamiseta, zapia eta liburutxoa. Atal bakoitzeko irabazleak 100 euroko saria jasoko du, kamiseta eta zapi batekin batera. Musika taldeen lehiaketari dagokionez, edozein taldek parte har dezake, baina kantuak jatorrizkoak izan beharko dira, nahiz eta beste kantu batzuen egokitzapenak onartu. Hala ere, kantuen %50a baino ezin izango dira izan egokitzapenak izan. Lehiaketa horretako irabazleek jaietan lehen mailako musika talde bat baino lehenago jotzeko aukera izango dute, eta horretaz aparte, jai batzordearen txosnan kontsumitzeko 100 euroko balioa duen txartel bat jasoko dute. Argibide gehiagorako eta izena emateko Santa Eugenia zein Pinuetako kultur etxeetan galde daiteke. Argazkian, hainbat ume Itzubaltzetako Pintxo Egunean.