Larrabetzuko saioan bihar arituko diren bertsolariak:
- Olatz Ibarluzea: Gasteizen da mungiarra, bertan dabil eta Fotogrametria alorrean. Topografian Ingenieritza Teknikoa ikasi du eta laster master bat hasiko du Hirugarrenez doa txapelketara. Bertsolaritzan txikitatik dabil eta zenbait sari ere irabazi ditu Eskolartekoan, idatzizkoan. Bat-baten ere finalista izan da. BBK txapelketan, zein Bertxoko / Bagaren ere kantatu du. Literatura sariak be irabazi ditu.
- Iker Gangoiti: Mungiako bertso-eskolako kidea da eta Gurutzetako ospitalean pediatra.
- Mikel Goiriena: Futbolaria eta bertsolaria da mungiarra. "Lan egiten nuen artean atera nituen ikasketak eta orain ikasten jarraitzen dut suhiltzailerako prestatzen. Taket bertso-eskolan elkartzen naiz ostegunero edo ostiralero, futbolak uzten didan egunetan". Lehenengoz parte hartuko du txapelketan.
- Ekain Landa "Txispain": Larrabetzun bizi den erromotarra, Itzubaltzetakoa. Bertako, Itzubaltzetako bertso eskolan eman zituen lehenengo urratsak. Elektrikaria lanbidez.
- Asier Legarreta: Meñakan bizi da gaur egun mungiarra eta Kultura Klasikoko irakaslea da Donostian.Taket bertso-eskolako arduradunetako bat ere badugu eta bertsolaritzarekin lotutako hiru liburu argitaratu ditu: "Joxe Miel Iztueta 'Lazkao Txiki'rekin azken afaria", "Kanta ala erreza III" eta "Juan Ormaetxe Taket".
- Peru Vidal: Irakaslea da eskola arautuan (Leioako eskoletan) eta Algortako Bertsolari Eskolako gaztetxoen taldeko gidari. 1988an sortu zen Plentzian, baina Leioan bizi da aspalditik. Birritan kantatu du Ipar Uribeko Bertsolari Txapelketan eta Bizkaiko Bertsolari Txapelketan. Aurton Uribe Butroeko txapelketan parte hartuko du.
Orain arteko sailkapena:
Beñat Vidal 203,5 puntu
Ortzi Garitano 190,5
Ibon Larrazabal 187
Aitor Esteban 181,5
Galder Bilbao "Txapi" 143,5
Apirilaren 23an historian lehenengo aldiz abiatu zuten Uribe Butroeko bertsolari txapelketa, Txorierri eta Mungialdea eskualdeen artekoa. Larrabetzuko eskolek hartuko dute bigarren kanporaketa ostiral honetan. Bertan, ohiko afari gozoaren ostean, Olatz Ibarluzea, Iker Gangoiti, Mikel Goiriena eta Asier Legarreta Mungiako osagaiak izango dira. Saioa osatzen, Uribe Kostako hainbat lagun bertan izango dira: Ekain Landa "Txispain" Larrabetzun bizi den itzubaltzetarra eta Peru Vidal leioaztarra. Gai emailea, berriz, etxekoa izango da: Larrabetzuko Alberto De Abajo "Zoro". Finala, berriz, Derioko Gurea aretoan izango da, maiatzaren 22an. Dagoeneko azken saio horretarako txartela eskuratu du Beñat Vidal leioaztarrak, Fikako lehenengo kanporaketa irabazi ostean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun