Egun Leioan bizi den Galder Bilbao "Txapi" algortarra absolbitu egin dute abenduan egindako “epaiketa prebentiboan”, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Berarekin batera epaitutako 12 euskal herritarretatik 7 absolbitu eta 6 lagun zazpi eta sei urteko espetxera zigortu ditu Espainiako Auzitegi Nazionalak. 2003ko urria eta azaroa artean egindako polizia operazio "prebentiboan" atxilotu zituzten guztiak, euren izen edo gaitzizenak "Susper-en paperetan" agertzen zirelakoan. Bertan, ETAko ustezko laguntzaile ugariren izenak agertzen ziren klabean, polizia iturriek ziotenez. Besteak beste, Galder Bilbao "Txapi" algortarrarentzat zazpi urteko kartzelaldia eskatzen zuten. Auzi honengatik, 3 urte egin zituen espetxean Algortakoak. Argazkian, Galder Bilbao "Txapi", 2006ko ekainaren 26an, kalera irten zenean / publicdomain Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun