Bihar, maiatzak 8, Txorierriko Alderdikide Eguna ospatuko dute Astrabuduan bertako Euzko Alderdi Jeltzaleak antolatuta. Egitaraua goizeko hamaiketan hasiko da umeentzako puzgarriekin eta txosnaren irekierarekin batera. Ordu erdi beranduago eta fanfarrearekin batera, aurreskua eta ikurrinaren igoera egingo dute batzokian. Hamabietan mitina burutuko dute Andoni Ortuzar Bizkai Buru Batzarburua eta Jose Luis Bilbao Bizkaiko diputatu nagusiak Josu Murueta enparantzan. Ordu bete beranduago, 13:00etan, triki-poteoa abiatuko dute herriko tabernetatik gosea pizteko eta ondoren, hiruetan, bazkaltzeko. Bukatzeko, zazpietan, diskoteka antolatu dute jai giroan egunari amaiera emateko. Argazkian, Andoni Ortuzar eta Izaskun Bilbao aurreko agerraldi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun