Bigarren kanporaketa eginda, dagoeneko erabakita dago zein sei bertsolarik abestuko duten Uribe Butroeko finalean. Ostiralean, maiatzak 7, izan zen bigarren eta azken kanporaketa Larrabetzuko eskoletan. Mikel Goirienak irabazi zuen bertan bildutako 130 bat bertsozaleren aurrean. Aurretik, ehun lagun inguruk afariaz gozatzeko aukera izan zuten. Goirienarekin batera Olatz Ibarluzea, Iker Gangoiti, Asier Legarreta, Peru Vidal leioaztarra eta Ekain Landa "Txispain" itzubaltzetarra izan ziren kantuan. Saio bietako puntuazioak batuta, Asier Legarretak, Beñat Vidalek, Iker Gangoitik, Mikel Goirienak, Olatz Ibarluzeak eta Peru Vidalek lortu dute finalerako txartela.
Larrabetzuko puntuazioa
Mikel Goiriena: 246,5 puntu
Asier Legarreta: 228
Peru Vidal: 219
Iker Gangoiti: 206
Olatz Ibarluzea: 199,5
Ekain Landa "Txispain"
Fikako puntuazioa:
Beñat Vidal: 203,5 puntu
Ortzi Garitano: 190,5
Ibon Larrazabal: 187
Aitor Esteban: 181,5
Galder Bilbao "Txapi": 143,5
Leioaztarrak izan arren, Uribe Butroeko bertsolari txapelketaren finalean izango dira Beñat eta Peru Vidal. Maiatzaren 22an jokatuko dute, 18:00etan, Derioko Gurea aretoan. Vidaldarrak lau mungiar izango dituzte aurrean saio erabakigarrian: Olatz Ibarluzea, Iker Gangoiti, Asier Legarreta eta Mikel Goiriena. Azken horrek lortu zuen finalerako zuzeneko txartela, joan den ostiralean, Larrabetzuko eskoletan izandako bigarren kanporaketan (mp3). Gainontzeko hiru mungiarrek eta Peruk ere saio horretan lortu zuten sailkatzea, bi kanporaketen puntuazioa kontuan hartuta. Fikako lehenengo saioan kantatu zuten sei bertsolarietatik, baina, Beñat baino ez da finalean izango, berak jokatutako kanporaketan garaile suertatu ostean. Argazkian, Peru Vidal leioaztarra eta Ekain Landa "Txispain" itzubaltzetarra Larrabetzuko kanporaketan. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun