San Isidro jaien baitan egin ohi du Herrien Jaialdia Itxas Argia dantza taldeak. Aurten, Valentziako Baladre taldea gonbidatu dute eurekin batera dantzan aritzeko. Emanaldia larunbatean izango da, 21:00etatik aurrera. Gaua girotzen, berriz, Akerbeltz taldea arituko da egun horretan. Igandean, Euskal Azokak, tiragoma eta igel-toka erakusketak, herri kirolek eta Erdizka Lauetan taldearen erromeriak emango diete amaiera ospakizunei.
Egitaraua:
Maiatzak 13, osteguna
18:00 Kalejira (Bentatik txosna gunera arte), pregoia eta txupinazoa.
18:30 Txan Magoa eta txokolatada txosna gunean.
20:00 Dokumentala elizan: "Getxo Akordatzen naz II"
Maiatzak 14, ostirala
18:00 Mus Txapelketa txosna gunean (txosnetatik pasa apuntatzeko)
18:00 Haur animazioa eta txokolatada parkingean.
19:30 Fanfarrea (Bentatik txosnetara)
21:00 Mus txapelketaren sari banaketa txosnetan.
21:30 Kontzertuak txosna gunean: Eztanda, Kaleko Orroak, Garrasika, eta Esne Beltza.
Maiatzak 15, larunbata (San Isidro eguna)
9:30 Plater-tiroketarako inskripzioa Galeako faroan (hamaiketakoa dohainik egunean zehar)
11:00 Puzgarriak Malakaten.
12:00 San Isidro eguneko meza, aurreskua eta luncha, Itsas Argia eta Kooperatibaren eskutik.
12:30 Kalejira, txistulari eta buruhandiekin (Bentatik txosna gunera)
14:30 Herri bazkaria Getxoko Auzokide Elkartekoen eskutik.
17:00 Esku pilota txapelketaren sari banaketa txosnan.
17:30 Baskalosteko trikipoteoa eta jolasak (txosna gunea, Benta, gaztetxea, txosna gunea)
18:00 Griona banda Band taldearen, Andres Isasi Musika Eskolako bandaren eta Itxartu abesbatzaren musika saioak.
18:00 Plater-tiroketaren sari banaketa, Lorea tabernan.
18:00 Idi probak kiroldegian.
21:00 Itxas Argia (Euskal Herria) eta Baladre (Herrialde Katalanak) dantza taldeen saioa.
23:00 Erromeria txosna gunean, Akerbeltz taldearekin.
Maiatzak 16, igandea
11:00 Puzgarriak Malakaten.
11:30 Euskal Azoka elizan (gazta, etxeko ogia, euskal pastela...)
12:00 Tiragoma erakusketa eta igel-toka txapelketa.
12:30 Herri kirolak txosna gunean.
18:00 Erromeria txosna gunean, Erdizka Lauetan taldearekin.
Ostegun honetan hasita, igandera arte luzatuko dira aurten Getxoko San Isidro jaiak. Horrenbestez, bihar, 18:00etan abiatuko dira kalejiran Bentatik kiroldegi atzeko txosna guneraino, bertan pregoia irakurri eta txupina botatzeko. 20:00etan, berriz, "Getxo akordaten naz" dokumentalaren bigarren zatia estreinatuko dute Andra Mari elizan. Ostiralean ez dira mus txapelketa eta txikientzako jolasak zein txokolatada faltako. Bitartean, gauerako, kontzertu sorta ederra antolatu dute. Eztanda, Kaleko Orroak, Garrasika, eta Esne Beltza taldeek joko dute txosna gunean, 21:30etik aurrera. Larunbatekoa egun handia izango da. Horrenbestez, meza, aurreskuak eta Kooperatibak eskainitako luncha izango dira, 12:00etatik aurrera, eliza inguruan. Ohi bezala, herri bazkaria ere egingo dute larunbatean Getxoko Auzokide Elkartekoen eskutik. Txartelak (6 euro) Lorea tabernan, Larran, Taberna Berrin, Alberto dastategian, Amnistian eta UKn daude salgai. Horretara, eta egunean egiten diren beste ekintzetara, baserritar jantzita joateko deia luzatu du Jai Batzordeak. Argazkian, aurreskularia bere txapela berreskuratzen orain bi urte / © Urtzi Altube.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun