Larunbat honetarako, maiatzak 15, Amaiurrera antolatu du irteera Leioako Kurkudi kultur taldeak. Goizeko 9etan abiatuko da autobusa Txomin Arestitik (Leioan buelta 22:00etarako kalkulatzen dute). Helmugara iritsita, Nafarroaren erreinuaren inguruko hitzaldia entzuteko parada izango da, Aranzadi zientzia elkarteko lagunek gidatuta. 15:00etan, berriz, bazkaria egingo dute Amaiurren bertan. Egun osoko plana 35 euroan egongo da. "Nafarroako historia ikasi eta ikusi nahi baduzu, zatoz Kurkudi kultur taldearekin Amaiurrera", adierazi dute. Izen-ematea gaur arte egin ahal izango da Kurkudi herriko tabernan. Bitartean, gaur bertan, "De la conquista de Nafarroa al Estado vasco" hitzaldia emango du, espainolez, Floren Aoiz Nafarroako legebiltzarkide ohia eta politikan adituak. Hitzaldia Kurkudin izango da, 20:00etan. Argazkian, Amaiurren 1522an gertatutako bataila gogoratzen duen monumentuaren plaka / cc-by-sa Zubitarra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun