Erasoaren ondorioz, aurpegian eta gorputzaren albo batean zituen kolpeak emakumeak, udaltzainek baieztatu zutenez. Bitartean, beste polizia unitate bat erasotzailearen bila hasi eta atxilotu zuen gero. Neska erietxe batera eraman behar izan zuten zauriak sendatzeko eta atxilotutakoa epailearen esku utzi zuten, tartean, urruntze agindua ere bazeukala egiaztatu ondoren. Keltse Eiguren Berdintasun zinegotziak gogor salatu du gertakari hori eta “berdintasunaren alde lan egiten jarraitzeko dugun beharra" gogoratu du, "indarkeria gizarte honetan sustrai sakonak dituen emakume eta gizonen desberdintasun estrukturalean oinarritzen baita”. Eigurenek azaldu duenez, “indarkeria sexista giza eskubideen urratze larria da” eta tratu txar fisiko edo psikologikoen biktima izan diren andrazkoak Udaleko Gizarte Zerbitzuetara jotzera animatu ditu (944 660 101 telefonoa), egoera hori gainditzeko laguntza emango baitiete bertan.
Dena den, tokiko gizarte zerbitzuez gain, beste telefono batzuk ere gomendatu ditu Eigurenek: Eusko Jaurlaritzako tratu txarren biktimentzakoa (900 840 111), edo Udaltzaingokoa (944 660 202), Ertzaintzakoa (944 063 420) edo SOS Deiak-eko 112 zenbakia.
Getxoko Udaltzaingoak 25 urteko gizon bat atxilotu zuen atzo gauean, bere bikotekide ohiaren kontrako indarkeria delitua egotzita. Udal iturrien arabera, 23:00ak aldera jaso zuten deia tokiko poliziaren koordinazio zentroan. Azaldu dutenez, ustezko biktimaren lagun batek abisatu zuen Algortako etxebizitza batean indarkeria egoera gertatzen ari zela. Bidean zihoazela, udaltzainek telefonoz deitu zioten emakumeari, baina horrek ondo zegoela esan zien; Areetako kale batetik paseatzen zebilela eta guztia bere lagunaren gaizki-ulertu bat izan zela. Etxebizitzara helduta, poliziek berriro deitu zioten neskari, baita ikusteko eskatu ere, bere egoera zein zen jakiteko. Bikotekide ohiaren mehatxuen ondorioz, aurrekoan gezurra esan zuela aitortu zuen orduan emakumeak. Antza, giltzarekin zabaldu eta segurtasun katea apurtu ondoren sartu zen etxera ustezko erasotzailea. Emakumea jo ondoren alde egin zuen. Argazkian, Bonifacia Ruiz de Arbulo aguraindarraren erailketa salatzeko elkarretaratzea Algortan, apirilaren 8an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun