Haitira bideratuko dute Getxoko Bigarren Eskuko Liburu Azokan bildutako dirua
Gaur hasita eta igandera arte, Bigarren Eskuko Liburu Azokaren 5. edizioa izango da Algortako Telletxe plazan, Getxoko Liburutegi Zerbitzuak antolatuta. Ohi bezala, bildutako dirua lankidetza-proiektu solidario batean erabiliko da. Aurten, Haitira bideratuko da, UNICEFen bitartez. Azokaren ordutegia ondokoa da: 11:00etatik 14:00etara eta 17:00etatik 21:00etara. Igandean, goizez irekiko da soilik. Horrela, lau egunean zehar, bisitariek hainbat gaiei buruzko liburuak erosteko aukera izango dute. Salmentan jarriko diren argitalpen gehienak partikularrek liburutegiei emandakoak dira. Liburu guztiek prezio sinbolikoak izango dituzte, euro batean hasita. Aurten, 15.000 bat ale salduko dira, udal liburutegiei emandakoak. Horiek guztiak banan-banan aztertzen dituzte, liburutegien bildumari zeintzuk gehitu dakizkiokeen erabakitzeko. Argazkian, goizean zabaldu dute bigarren eskuko liburu azoka.
Udal liburu-bildumara pasatzen ez diren hainbat liburu interesgarriak gerta daitezke publikoarentzat eta, hori dela eta, udal liburutegiek saltzea erabaki zuten, getxoko lau udal liburutegietako garbiketan baztertutako aleekin batera. Horrela sortu zen Bigarren Eskuko Liburu Azoka iaz. Aurreko ekitaldian 11.000 bat liburu saldu ziren bertan eta onarpen zabala izan zuen ekimen hori.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun