Imanol Landa alkateak adierazi zuenez, “Udalaren asmoa da kirol ekitaldiak sustatzea, oraingo honetan, bela kirola, udalerrian bere praktika bultzatze aldera; gure udalerria beti egon baita itsasoari begira eta beti maite-su eta interes bereziarekin bizi izan baitu”. Hartara, urteetan zehar, modalitate horretan jardun duten eta hori sustatu duten kirol elkarteei proiektu batean elkarrekin parte hartzea proposatu die tokiko erakundeak. Eta helburu hori lortze aldera, laguntzarik onena, alkatearen hitzetan, "azken urteetan Euskadin bela kirolaren erreferente bihurtu denarena da, alegia, Unai Basurkorena, eta bere taldearena". “Nor Unai baino hobeto Udalarekin, ikastetxe eta ikastolekin eta bela zaletuekin lan egiteko, kirol hau sustatu eta zabaltzeko. Bere eskarmentua eta ezagutza baliatu nahi dugu helburu hori lortzeko”, nabarmendu zuen Landak.
Unai Basurkok, bere aldetik, helburua belaren kirola indartzea eta zabaltzea dela adierazi zuen, jende askok eskura izan dezan. Belaren jarduerak Frantzia bezalako herrialdeetan duen oihartzun ekonomikoa nabarmendu zuen. Gaineratu zuenez, “belaren kirolak giza baloreak, lana, elkartasuna eta duen ingurumenarenganako, itsasoarenganako errespetua, ematen ditu. Hitzarmen honekin hori guztia lortuko dugu”.
Bela sustatzeko hitzarmena izenpetu dute Getxoko Udalak eta Unai Basurkok
2010ko mai. 14a, 13:50
Pakea Munduari Itzulia Getxo Bela Kirol Elkartearen eta Getxoko Udalaren arteko lankidetza hitzarmena sinatu zuten atzo aipatu taldeko presidente Unai Basurko itsasgizonak eta Imanol Landa alkateak. Horren arabera, elkarteak konpromisoa hartu du, Abrako uretan estropada bat antolatzeaz gain, hitzaldi programazioarekin jarraitzeko. Nabigazioaren munduarekin zerikusia duten pertsonek eskainiko lituzkete, doan, solasaldi horiek. Udalaren bitartez ere, berak eskaini beharreko bi hitzaldi-solasaldi antolatzeko hitza eman du Unai Basurkok; Velux, Vendee Globe eta Le Figaro estropadetan izandako bizipenak kontatzeko. Horretaz gain, ikastetxe eta ikastolek bisitaldiak egingo dituzte Pakearen basera eta Open 60 Pakea Bizkaia belaontzira, Kirol Portuan. Bestalde, Udalak sustatutako hainbat ekitalditara Unai bera agertuko da. Tokiko erakundeak, gainera, kirol eskaintzan Pakea Munduari Itzulia Getxo Bela Kirol Elkarteak antolatutako ekitaldiak jaso ahal izango ditu. Horren trukean, 6.000 euroko diru laguntza emango dio aipatu kirol taldeari, 2010ko udal aurrekontuaren kontura. Argazkian, Landa eta Basurko atzoko agerraldian.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun