Hilabete honetan Ar Redadeg izeneko lasterketa egiten ari dira Bretainian, bretoiaren aldeko Korrika, alegia. Aurten, lehendabiziko aldiz, kilometro bat erosi eta ordezkaritza zabala bidali du bertara Berbots Erandion Euskaraz" elkarteak. Horrenbestez, atzo, osteguna, hartu zuten lekukoa erandioztarrek, Brest inguruan, kostaldean, Ploudalmezeau herrian. Arratsaldeko 17:15ak aldera egin zuten 708. kilometroa Berbotsekoek. Antza, aipatu herrian sortu zen 1977an lehenengo Diwan, gure ikastolaren parekoa, euskara elkartekoek aipatu dutenez. Bitartean, Euskal Herrian, "Nafarroan euskaraz bizitzeko eskubidea" lemapeko manifestaziora joateko deia zabaldu du Egizu Getxo Euskaldun! elkarteak. Kontseiluak Nafarroako euskalgintzarekin batera antolatuta, larunbat honetan, maiatzak 15, izango da martxa Iruñean. Hitzordua 18:00etan jarri dute, Golem zinemetan. Argazkian, Berbotsekoak lasterka Bretainian / © Berbots. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun