Ekitaldiko aurkezleak Marije Fullaondoren atxiloketa eta espetxealdiaren gorabeherak azaldu zituen, txalapartarien sarreraren ostean. Gero herriko presoen argazkiak hurbildu zituzten eszenatokira, bertan zeudenen txaloen artean. Dantzaren ostean, txapela ipini, loreak eman eta bertsolarien txanda etorri zen. Fullaondok berak hitz egin zuen, "Euskal Herriak aurrera egingo duela eta horretan denok batera jarduteko beharra" adierazteko. Gazte batek kanta bat eskaini zion ondoren, opariak egin zizkioten eta amaitzeko AAMko kide batek zorionak eta eskerrak eman zizkion guztien izenean. Marije etxean izatea pozgarria izanik, "ezker abertzaleak irtenbide demokratikoaren aldera urratsak ematen dituenean Estatuek errepresioa areagotu egiten duela" azpimarratu zuen, "errepresioa, tribunal bereziak eta espetxe politika irtenbide demokratikoaren aurkako tresna gisa" erabiltzen dituztela, eta horiek gainditzeko "harresi demokratikoa eraikitzera" deitu zuen, "modu horretan Euskal Herriko demokrazia eraikitzeko". Ekitaldia "Eusko Gudariak" abestuz amaitu ondoren, manifestazioan joan ziren Algortako kaleetan zehar Amnistia tabernaraino, lunch batekin ospakizunarekin jarraitzeko.
Ikusi Marije Fullaondoren hitzak Etengabek plazaratutako bideoan:
Ikusi Marije Fullaondori eskainitako bertsoak Etengabek zabaldutako bideoan:
Ostiral arratsaldean, 200 lagun inguru euripean bildu ziren Kasinoko plazan, euskal preso politikoen aldarrikapenekin batera, Marije Fullaondo preso ohiari ongi etorri beroa eskaintzeko, Uribe Kostako Amnistiaren Aldeko Mugimenduak Etengabe bitakoraren bitartez zabaldu duenez. Apirilaren 15ean utzi zuen Castelloko (Herrialde Katalanak) espetxea Algortan jaio eta Errigoitin bizi zen Batasuneko Mahai Nazionaleko kidea. Fullaondo 2007ko abenduaren 18an atxilotu zuten, bere etxera bidean, Baltasar Garzon epaileak aginduta eta 50.000 euroko bermea ordaindu ostean aske geratu zen. Argazkian, Marije Fullaondo txapela buruan eta lore sorta eskuan / publicdomain Etengabe. Argazki gehiago ikusteko salatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun