Larunbatetan zabaltzeari utziko diote ekainaren 19an Uribe Kosta eta Erandioko lau osasun etxek
Eusko Jaurlaritzako Osasun Sailak joan den astean iragarri zuen Araba, Bizkaia eta Gipuzkoan larunbat goizetan zabaltzen duten osasun etxeen erdia aipatu egunetan itxi egingo dituztela, euren hitzetan, "egungo eredua jasangaitza delako, ekonomia eta antolaketari dagokionez". Argibide gehiago eman ditu gaur Julian Perez Gil Osakidetzako zuzendari nagusiak. Zerbitzua ekainaren 19an etengo dute, Europa Press albiste agentzia espainolak zabaldu duenez. Hala ere, ez dute baztertzen "udalekin zein sindikatuekin negoziatzea". Uribe Kosta eta Erandiori dagokionez, Astrubudua, Altzaga, Leioa eta Sopela anbulatorioak, larunbatetan, 9:00etatik 14:00etara zabaltzeari utziko diote. Horren ordez, Areetako etengabeko atentzio gunea joan beharko dira herri horietako gaixoak. Igandeetan eta jaiegunetan ere zabaltzen dituzte horiek. Argazkian, otsailaren 24an zabaldu zuten Astrabuduako osasun etxea.
Bitartean, egun larunbat goizetan zerbitzua ematen duten Areeta, Bidezabal (Algorta), Gorliz eta Plentziako osasun etxeak bere horretan mantenduko dituzte; baita Gorlizko ospitaleko etengabeko atentzio gunea ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun