Alderdi politikoen ordezkarien ustez, aurreratuko lan horiekin batera proiektu orokorraren tramitazioarekin jarraitu behar da, "ingurumenaren gaineko eragina aztertzeko dagozkion ikerketa erabakigarrien eta legeak ezarritako informazio eta partaidetza prozesuen ondotik, exekuzio proiektuaren behin betiko idazketa eduki ahal izateko". Horrek guztiak obrak egitea ahalbidetuko luke, “gure udalerria, azkenik, etorkizunean uholde arriskuari aurre egiteko egoerarik onenean dagoela bermatzeko”. Horrela jaso dute maiatzeko udal batzarrera eramango duten adierazpen instituzionalean.
Horren harira, Bozeramaleen Batzordeak Eusko Jaurlaritzari eskatu dio, bere ardurapeko administrazio izapideak (ingurumenaren gaineko eragina aztertzea...) bultzatzeaz gain, datozen urteetan eta amaitu arte, proiektu nagusian aurreikusitako lanekin jarraituko dutela berma dezan, dagozkion urte arteko aurrekontuen esleipenak onartuta. Azkenik, aipatu adierazpena osoko bilkurara eramateaz gain, Pilar Unzalu Ingurumen sailburuari eta Eusko Legebiltzarreko talde politiko guztiei igorriko diete, horren berri emateko eta dagozkion xedeetarako.
Gobelari buruzko batzarra asteazkenean izango dute Jaurlaritzak eta Getxoko Udalak
Imanol Landa Getxoko alkatea maiatzaren 26an bilduko da Eusko Jaurlaritzako ordezkariekin, Lakuako exekutiboari Gobela ibairako proiektu orokorrarekiko duen konpromisoa berretsi dezan eskatzeko. Udal iturriek jakinarazi dutenez, Ignacio Achucarro Lurralde Plangintza eta Uren sailburuordearekin izango du batzarra tokiko agintariak. Landak berak eskatu zuen hitzordua. Izan ere, Getxoko udalerrian dagoen uholde arriskua behin betiko konpontzeko, "ezinbestekotzat" jotzen du aipatu egitasmoa alkateak. Urtarrilean Salsidu-Zubietan eta Negurin abiatutako premiazko lanak horren abiapuntua baino ez dira. Gainera, aipatu batzarrean, Getxoko Udalaren Bozeramaleen Batzordearen babesa izango du mandatari jelkideak. Argazkian, Salsiduko zubiaren ordez jarritako pasabidea / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun