Maiatzaren 4tik 29ra egiten dabiltza aurten Ekoeskola jardunaldiak, Ekologistak Martxan taldeak eta Bizizaleak Ingurumen Dokumentazio Zentruak antolatuta. Urtero bezala, Ibaizabal itsasadarrean barrena egingo dute txangoa, autobusez. Horrenbestez, larunbat honetan, maiatzak 22, goizeko 10etan abiatuko dira Bilboko udaletxeko eskaileretatik. Geldiune batzuk ere egingo dituzte Artxanda, Enekuri, Astrabudua zein Getxo udalerrian; eta Alex Cearreta EHUko irakasleak azalpenak emango ditu, itsasadarraren eboluzioari buruz. Enekuri aldean, bidezidorra jarraituko dutenez, mendi botak eramatea gomendatu dute antolatzaileek. 15:00etan egongo dira bueltan, Bilboko udaletxeko eskaileretan. Izena emateko epeari dagokionez, bihar, ostirala, eguerdiko 12ak arte, izango da horretarako azken eguna Ekoetxean (944 790 119 / bizkaia[abildua]ekologistakmartxan.org), Zazpi Kaleetako Pilota kaleko 5. zenbakian. Argazkian, itsasadarra Lamiako inguruan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun