Patxi Gaztelumendi: "Android euskaratzen ari dira, biba zuek!"

[cc-by-sa Patxi Gaztelumendi-Zuzeu.com] Moderno izateko iPhone bat behar duzu eskuartean. Geek izateko berriz Android software librea duen htc mugikor bat. Modernoek ezingo dute telefonoa euskaraz eduki, Steve Jobs ez dago horretan. Androidzaleek berriz, beraiek euskaratuko dute interfazea eta beharrezko diren tresna guztiak. Zutagu sare sozialean biltzen dira. Ziurrenik ez dute elkar ezagutzen, baina eztabaidaren ostean, lanean jarri dira. Kodea euskaratzen ari dira, xml artxiboak, po fitxategiak, pootle eta beste tresna asko erabiltzeko gai dira. Eta Librezale.org ekimenaren posta zerrendan egitasmoaren berri eman dute. Google doc dokumentu batekin hasi dira, eta elkarrekin, auzolanean dihardute… emaitza: Android euskaratzen ari da. Argazkian, Android darabilen telefono bat / cc-by Tomsun.