"Edozein kasuan larritzat jotzen dugun gertaera hau, udal arautegia urratu egiten baitu, are larriagoa da Erandion aspalditik gobernu ardurak dituen alderdi politiko batek egiten badu", jarraitu du salaketarekin zinegotzi popularrak. Horregatik, "EAJk arautegi horri dion errespetu falta" kritikatu eta jeltzaleen eta edozein auzotarren artean sortu den diskriminazioa azpimarratu du: "beste edozeinek dagokion lizentziarik gabe lanen bat egingo balu, geldituko liokete eta gainera isuna jasotzeko arriskuan egongo litzateke".
Hortaz, popularren arabera Erandioko "alkateak eta Hirigintza zinegotziak beste aldera begiratu dute argi eta garbi, obrak herrigunetik gertu dagoen kale batean egiten dabiltzalako eta euren alderdiaren egoitza egokitzeko direlako. Hori guztiori aintzat hartuta, Alderdi Popularrekoek mozio bat aurkeztuko dute hurrengo Udalbatzan, Gobernu Taldeak EAJri zigor bat ezar diezaion, "EAJ ongiaren eta gaizkiaren gainetik ez dagoela uste badu".
Javier Ruiz Erandioko PPko bozeramaileak Altzagako batzokia zaharberritzeko eta egokitzeko lanetan "hainbat irregulartasun" salatu du. Obrak Jado kalean egiten ari dira. Ruizek adierazi duenez, "duela hilabete batzuk hona EAJk bere egoitza soziala handitzeko lanetan dihardu, kalean bertan ostalaritza lokal bat irekitzeko asmotan". Ruizen aburuz, lan horiek "ia erabat bukatuta" daude eta "hori dela eta, hamabost bat egunen buruan lokal berria inauguratzea espero da". Horregatik, "harrigarria" zaio obra horiek egiteko baimena maiatzaren 14an eman izana, dekretuz, gainera. "Hau da, lanak hasteko udal baimenak orain dela hamar egun eman dira, nahiz eta aretoa egokitzeko eta zaharberritzeko obrak praktikoki bukatuta dauden", salatu du popularrak. Argazkian, Javier Ruiz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun