Osoko bilkura deitu nahi ez izatea egotzi dio Berangoko alkateari Ezker Batuak
Maribel Landa Gaubeka alkate jelkideak ohiko udal osoko bilkura "deitzeari uko egin" diola salatu du Koldo Martinez Berangoko Ezker Batuko zinegotziak. "Gairik ez" dagoela jarri omen du aitzakiatzat tokiko agintariak. Hala ere, Martinezek aipatu duenez, EBk mozioa aurkeztu du "Euskadin Zapateroren neurri antisozialak ezarri ez daitezela eskatzeko". Zinegotzi federalistak "erantzukizunen utzikeria larritzat" jo du Landaren erabakia. Tokiko Erregimenaren Oinarriei buruzko Legearen 46. artikulua kontuan izan, "bi hilabetean behin" egin behar dute osoko bilkura 5.000 eta 20.000 biztanle arteko udalerriek. Martinezen arabera, ostegun honetan izan beharko litzateke, 19:30ean. Alkatearen jarrera ikusita, Bozeramailearen Batzordearen bilkura ere eskatu du Ezker Batukoak, baina oraingo honetan ere ez du erantzunik jaso. Argazkian, Anabel Landa Berangoko alkatea.
Legeria "nahita bete ez izatea" egotzi dio Anabel Landa EAJko alkateari Koldo Martinez Berangoko EBko zinegotziak. Ordezkari federalistaren arabera, "udal batzarrera joanda, herritarrek galde-eske txandan hitza har dezatela eragotzi nahi du Gobernu Taldeak. Berangoztarrei hitza lapurtzen ari zaizkie".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun