Getxoko Udalak 24.000 euroko diru-laguntza eman dio Antzerki Eskolari, zentroko sail amateurra eta udalerrian egiten dituen ikuskizun artistikoek eragiten dituzten gastuei aurre egiteko. Eskolaren helburua testu-interpretazioan eta zuzeneko ikuskizunetako teknikarien trebakuntza profesionala eta amateurra eskaintzea da. 1982. urtean zabaldu zuten eta ordutik 5.600 pertsona baino gehiago pasa dira bertako geletatik. Aurtengo ikasturtean, 6 eta 70 urte bitarteko pertsonek hartu dute parte Getxoko Antzerki Eskolak eskaintzen dituen ikastaroetan. Horietatik 20 arlo profesionalaren bi mailatan, 15 ikuskizunetako teknikarien alorrean eta 165 arlo amateurrean (gaztedia, haurrak, nagusiak eta antzerki afizionatuen taldeak -Rapanui eta Hezgaitz-). Argazkian, Getxoko Antzerki Eskolako antzerki saio bat / © Getxoko Antzerki Eskola.
Arlo profesionalerako sarrera probak egiteko izen-emate epea ekainaren 1ean zabalduko da. Eskolak berregituraketa egingo du, garai berriei eta datozen aktore berrien belaunaldiei erantzun egokia emateko asmoarekin, udal iturriek aipatu dutenez. Orain, arlo horretarako matrikula urtero egin beharko da; ez da biurtekoa izango lehen bezala. 15 leku eskainiko ditu ikasturte bakoitzeko. Gainera, agiri ofiziala lortzeko, lehen 4 urtetan ibili behar bazen ere, orain 3 urterekin nahikoa izango da trebakuntza ikasketetan jardutea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun