Azoka batekin emango diote amaiera ostiralean elkartasun hilabeteari Berangon
Elkartasun hilabetea egin du maiatzean zehar haur ludotekan Berangoko Udalak. Kanpaina horri bukaera emango diote ostiral honetan, hilak 28, bigarren elkartasun azoka eginez. Txikien artean balore positiboak sustatu, euren arteko harreman sozialak indartu eta beraien gaitasunak areagotzea izan ditu helburu hilabete osoko ekimenak. Maiatzean zehar, hainbat tailerretan parte hartzeko aukera izan dute bertaratu diren neska-mutilek. Hain zuzen ere, elkartasun azoka horretan salduko diren ahozapitakoak, potoak, boligrafoak eta beste hainbat gauza eurek egindakoak izango dira. Berangoko kultur etxe aurrean jarriko dituzte postuak eta bildutako dirua ACOBI elkarteari emango diote. Txikiek prezio sinbolikoa jarriko diete beraiek landutako artikuluei. Argazkian, ACOBIren bitartez hainbat ume bielorrusiar etorri ziren eskualdera 2008an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun