Birkokatze hori etengabekoa dela eta, horregatik, Gobernu Taldekoek horretarako plan zehatzik idaztea beharrezkoa ez dela adierazi du Arregik, "idatzi ahala zahar geldituko litzatekeelako". Getxo udalerrian, orotara, 535 edukiontzi gune edo irla daude, zeinetatik guztira, 1.053 edukiontzi dauden. Horietatik 602 zaborretarakoak dira, 244 ontziena eta 207 paperezkoak.
Tokiz aldatzeko irizpideak
Zerbitzua 90eko hamarkadaren amaieran ezarri zenetik, edukiontzi-multzoak ipintzeko irizpideak irisgarritasuna, gaikako bilketa eraginkorra egitea eta herritarrentzat eroso izatea izan dira, besteak beste. “Legegintzaldi honetan, auzotarren eta salerosleen eskaerei erantzunez, eta zerbitzua ematen duten adituekin eta beste udal arlo (bide-zaintza, zirkulazioa eta aparkalekuak, ekonomia sustapena, merkataritza) batzuekin bat etorriz, beste irizpide batzuk erantsi ditugu: oinezkoen segurtasun maila areagotzea, arrazoi komertzialak, oinezkoentzako guneak liberatzea, aparkaleku kopuru gutxienekoa murriztea, ahal den neurrian edukiontziak espaloi gainetan ez ipintzea (eta, behar izatekotan, erraz ibiltzea bermatuz); eta udalerrian bereziki esanguratsuak diren lekuetan, berbarako Zugatzarten, ipintzerakoan estetika zaintzea”, azaldu du Arregik.
Getxoko Udalak 60 edukiontzi-bateria tokiz aldatu ditu auzotarren eta salerosleen eskaerak zein irizpide teknikoak aintzat hartuta. Oinezkoentzako segurtasun kontuak direla eta, 52 bateria edo irla aldatu dira, tokiko arduradunen arabera. Funtsean, 2009ko apirila-maiatzean hasitako kanpaina da. Jarduera hori, nagusiki, bateriak oinezkoen pasabideetatik aldentzeko egin da, bilketan irisgarritasun eta eraginkortasunik galdu gabe. “Aldaketa zehatzak geratzen dira, oraindik baten bat egiteke dagoelako. Guztira, edukiontzien %10a birkokatu dugu”, adierazi du gaur goizean eskainitako prentsaurrekoan Joseba Arregi Hirigintza zinegotziak. Arrazoi komertzialei dagokienez, 7 bateria aldatu dituzte (Areetako Adiskidetasuna, Mesedeetako Ama, Zugatzarte eta Gobelaurre kaleetan; Itzubaltzeta / Romoko Santa Eugenia; Algortan, Kasune, Andres Kortina, Algortako Etorbidean) eta oinezkoentzako gunean egoteagatik bat aldatu dute Areetako Eskoletako plazan (gerora ere berdin egingo da Algortako Torrene eta Zabala kaleetan). Argazkian, Joseba Arregi Hirigintza zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun