Landak azpimarratu duenez, "krisialdi garai honetan Udal Gobernu Taldearen helburuetariko bat gastua, aberastasuna eta bertoko lanpostuak mantendu eta sustatzea da. Bisitariak hona etortzea ezinbesteko oinarria da, Getxon hain garrantzitsuak diren merkataritza eta ostalaritza sektoreak sustatzeko”. Aitor Soloeta Turismo eta Ekonomia Sustapenerako zinegotziak gogoratu du "XIX. mendearen bukaeratik gaur arte Getxo izan dela, eta dela, oporraldirako eta aisialdirako kostaldeko erreferentzia-tokia".
Egitaraua
Ildo horretan, Getxo Sea Week ekimenaren turismo, kultur eta kirol jarduerak itsasertzaren 3,5 kilometroko luzeran egingo direla esan du, Bizkaia Zubia eta Portu Zaharra lotzen duen ibilbidean hain zuzen, Txurruka moilako monumentu pasealekutik eta Kantauriko kostaldean dagoen Kirol Portu handienetik igaroz. Aurreikusitako jarduera batzuk, aurreratu du Soloetak, honako hauek izango dira: "Zirgariak" ikuskizuna Bizkaia Zubian, "Belle Epoque" izeneko merkataritza azoka Txurrukako moilan, Kraken-Txibia erraldoiari buruzko erakusketa Kirol Portuan eta itsasontzi klasikoen topaketa Portu Zaharrean. Horretaz aparte, kometa jaialdia, Espainiako itsas akuario zaleen bilgunea, itsas zinema eta sardina janak ere egitea aurreikusita dago. Gidatutako bisita turistikoen programa, bela eta nabigazio ikastaroak, itsasontzietako irteerak eta tren turistikoaren jarduerak ere indartuko dituzte.
Getxo udalerrira turistak erakartzeko itsas astea antolatu dute ekainaren 21etik 27ra
Getxo Sea Weak edo Itsas Astea egitasmoa aurkeztu du gaur goizean Imanol Landa alkateak (mp3). Udalak hainbat elkarterekin, erakunde publikorekin eta bertoko enpresekin antolatutako ekimen turistiko berria da. Ekainaren 21etik 27ra egingo dute. Bertan, besteak beste, erakusketak, musika, antzezkizunak eta merkataritza eta gastronomia azokak izango dira. Alkateak esan duenez, “gure kostaldea eta itsas ingurua zein gure udalerriaren ondare arkitektonikoa gordetzen eta goraipatzen dituzten jarduera batzuen bitartez, Getxoren sustapen ekonomikoa bultzatzea da lortu nahi den helburua. Ekimen horretara 40.000 bat lagun (Bilbo Handiko bizilagunak, Euskal Autonomi Erkidegoko eta inguruko lurraldetako bisitariak eta inguruan dabiltzan turistak) hurbildu ahal izatea aurreikusita dago”. Argazkian, Imanol Landa eta Aitor Soloeta gaur goizeko prentsaurrekoan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun