Lanean jarraitzen dugu gure herriak euskalduntzearen alde, injustizia sozialak salatzen eta bestelako eredu sozioekonomiko baten alde, hirigintza eredu jasangarri baten alde, gure herriko gatazka politikoa bide demokratikotatik konpontzeko, bestelako jai eredu bat aldarrikatzen... eta aurrerantzean ere jarraituko dugu. Udal ordezkari egiten gaituena ez baita legea, herritarren borondatea baizik.
Plentzia eta Gorlizko ezker abertzalea
http://piztuplentzia.blogspot.com
Plentzia eta Gorlizko ezker abertzalea: "Plentzia eta Gorlizko 7 urte apartheid egoeran. Eskubide zibil eta politikoen aurkako erasoak, stop!"
Gaur, hilak 27, zazpi urte bete dira ezker abertzalea Plentziako eta Gorlizko udaletatik kanporatu zutela. Espainiako auzitegiek, Espainiar Estatuak eta berau kudeatzen duen PSOE alderdiak, alderdi legearen bidez, aukeratua izateko eta aukeratzeko eskubidea urratu zuten, beste behin ere. Baina, urte hauetan demokraziaren aurkakoa den lege horren gainetik herritarrek hitz egin dute eta beren ordezkariak aukeratu dituzte, horren adibide duela 3 urte ANV-EAEren zerrendek jasotako bozka kopurua Plentzian eta Gorlizen, edota duela 7 urte Plentziako Haize Abertzalea eta Gorliz Aurrera herri ekimenek jasotakoa. Azken 7 urte hauetan alderdien legearen bidez gure herrietako biztanleriaren zati bat baztertu egin nahi izan dute berau desagerrarazteko, eta gaur eta hemen ozen esan behar dugu ez dutela lortu eta ez dutela lortuko. Argazkian, 2009ko urrian "Plentzian, demokrazia zero" lemapeko salaketa kanpaina burutu zuen bertoko ezker abertzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun