Datorren ikasturteari begira, Leioako Lamia AEK euskaltegiak, Leioako Euskara Zerbitzuaren laguntzaz, Berbalagun egitasmoa abian jartzeko lanean dabil. Hori dela eta, egitasmo hori dinamizatuko duen pertsonaren bila hasi dira, lan deialdia kaleratuz. Dinamizatzailea ezinbestean euskalduna izan eta informatikari buruzko oinarrizko ezagutza eduki behar du. Era berean, AEK-k honako kontuak baloratuko ditu: EGA titulua edo baliokideak izatea; talde dinamizazioan eta antolaketan esperientzia edukitzea; leioaztarra izatea edota Leioa herria ezagutzea. Interesa dutenek curriculuma bidal dezakete ekainaren 10a baino lehen praktikatu[abildua]aek.org posta elektronikora, "Leioako dinamizatzaile lan-postua" erreferentzia jarriz. Argazkian, Euskal Herriko mintzapraktika eta berbalagun hainbat proiektuko kide bildu ziren 2008n Algortako Portu Zaharrean.
Lana hiru hilabetekoa izango da, irailaren 15etik abendura 30era, baina alde biek ados egonez gero eta proiektua ondo joango balitz luzatuko litzateke. Lanpostuari buruzko argibide gehiago nahi izanez gero, 618 574 466 telefonora jo daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun