Aldundiak 113 abere hautaturen enkantea egingo du bihar Gorlizko basetxean
2010ko mai. 28a, 13:59
Bizkaiko Foru Aldundiko Nekazaritza Sailak 113 abereren enkantea egingo du larunbat honetan Gorlizko basetxean, goizeko 11etan hasita. Errematean izango diren pirenaiko eta terreñako arrazetako abelburuak foru erakundearen aukeraketa eta hobekuntza genetikoko programetatik datoz, tokiko iturriek aipatu dutenez. Abere hautatuak dira, eta lau multzotan egingo da enkantea: lehenengo multzoan, 39 behi kumedun izango dira; bigarren multzoan, 12 bigantxa; hirugarren multzoan, hamar txahal; eta azkenik, laugarren multzoan, 13 behi, haragitarako. Gorlizko foru basetxea eliteko behi pirenaikoen erreferentziazko zentroa da. Zentroaren helburua da abere-arraza honen ezaugarriak iraunaraztea eta hobetzea, Bizkaiko abeltzaintzara hobekuntza horiek eraman eta ustiategien errentagarritasuna optimizatzeko. Argazkian, Gorlizko abeletxea / © Bizkaia.net.Helburu hori lortzeko, zentroak zenbait jarduera egiten ditu. Horrela, egiaztatutako balio genetikoa duten zekorrak hautatu eta hazten ditu, hazitarako abereei probak egiteko Sabaizako (Nafarroa) estazio ofizialerako eta Euskal Herriko herri-basoetara eramateko eta, ondorioz, arrazaren genealogia-liburuaren oinarria zabaltzeko. Halaber, egiaztatutako balio genetikoa duten bigantxak ere hautatzen eta hazten ditu, arrazaren hobekuntza genetikoa hobetzeko eta, enkante publikoen bitartez, arraza zabaltzeko. Gainera, enbrioien transplanteen bidez, balio handiko material genetikoa lortzen du, ezarritako hobekuntza-planetan zabaltzeko. Gaur egun, zentroak kumetarako 89 abere ditu eta ordezteko 51 eme (urte batekoak eta bikoak), eta beraz, ezinbestekotzat jotzen da abereen enkantea egitea, egokiena umetarako 40-50 abereko errolda izatea baita
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun