Aurreikusitako txango egunak:
Maiatzean
• Maiatzaren 30ean, igandea.
Ekainean
• Ekainaren 6an, igandea.
• Ekainaren 13an, igandea.
• Ekainaren 20an, igandea.
• Ekainaren 27an, igandea.
Uztailean
• Uztailaren 4an, igandea.
• Uztailaren 11n, igandea.
• Uztailaren 18an, igandea.
Etzi, igandearekin, Ibaizabal gasolina-txalupaz ezagutzeko txango gidatuak abiatuko ditu bigarren urtez Erandioko Udaleko Kultura Sailak. Tokiko iturriek azaldu dutenez, "Itsasadarra hainbat hamarkadatan Bizkaiko ekonomiaren kale nagusia bilakatutako ubidea da. Merkantzien garraioa eta industriaren garapena erraztu ditu berak". Horregatik, maiatzaren 30 eta uztailaren 18 bitarteko txangoetan ikuspegi "historiko-kulturaletik" so egingo diete Bilbo Handiko bi ertzei, bertan azken urteotan emandako "ekonomia eta hiri eraldatzea" aztertzeko. Txango guztiak doakoak izango dira eta Altzagako kaitik irtengo dira, igandero goizeko 11:30ean. Handik Arriaga antzokira eta Bizkaiko zubira joango dira hurrenez hurren, atzera bueltan Altzagara heldu arte. Txangoetan parte hartzeko, aurretik 944 890 140 edo 946 025 891 telefonoetara deitu edo udaletxean edo Astrabuduako udal bulegoan izena eman beharko da, tokiak mugatuak baitira. Hori dela eta, Erandion erroldatuek lehentasuna izango dute. Taldea osatzean, txangoaren data telefonoz baieztatuko du Kulturak. Argazkian, Ibaizabal Lutxanatik ikusita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun