Iazko ekainean, Eusko Jaurlaritzari enplegu-erregulazio espedientea (EEE) ez onartzeko eskatu zioten langileek, "itxiera arte denbora irabazteko neurria zeneko susmo handiak" zituztelako. Aldiz, irailean "Gemma Zabaletak zuzentzen duen Enplegu Sailak ez entzutearena egin zuen eta iragarpenik okerrenak gauzatu" egin ziren, salatu duenez CCOOk. Gainera, azarotik aurrera, langileek ez dute nominarik kobratu eta "orain enpresaria enpresa itxi eta gelditzen diren 12 langileez gutxieneko kalte-ordainekin libratu nahi da". Horrela, beharginek lan egindako urte bakoitzeko 20 egun baino ez zuten jasoko, 12 hileko topearekin, gainera.
Langile guztien lepotik aurreztu nahi du Excainoxek
Bestalde, diru hori ez litzateke Excainox edota jabearen kutxatik irtengo: "berak ere ez du ordainduko, Fogasa soldatak bermatzeko funtsetik irtengo da, langile guztiok ordaintzen duguna", CCOOk azpimarratu duenez. Horregatik, jabeak etsi eta langileentzako irtenbide duin bat proposatu arte mobilizazioekin jarraituko dutela azaldu dute langileek.
2006an ere hainbat protesta izan ziren enpresan, 2003tik lan hitzarmena ez zietela berritu, horrek langileen soldata apalagoa izaten ekartzen zuena, eta lan segurtasuna handitzeko. Orduan, 20 pertsonek egiten zuten behar Excainoxen.
Erandioko Axpe auzoan dagoen Excainox SL galdara-lantegiaren aurrean elkarretaratu dira gaur goizean bertako hamabi langileak, enpresa ez ixteko eskatuz. CCOO sindikatuak Europa Press albiste-agentziari jakinarazi dionez, gaurko ekimenarekin mobilizazio kanpaina abiatu dute enpresaren "berehalako" itxiera ekiditeko eta beharginei zor dizkieten soldatak aldarrikatzeko. Izan ere, dagoeneko Excainoxeko langileek zortzi hilabete daramatzate kobratu gabe. Gainera, salatu dutenez, jabea "kontratuak iraungitzeagatik eman behar dituen kalte-ordainei ahal den heinean muzin egiteko aukerak bilatzen ari da egun". Excainoxek enpresa-multzoa osatzen zuen Axpeko Excagas enpresarekin, berriki itxi zutena. CCOOren aburuz, "Axpeko erriberan industria tradizio gehien" izan duten enpresak dira Excainox zein Excagas. Dena den, tradizio hori lan arazoez gainezka izan da. Argazkian, langileak aurreko mobilizazio batean / © CCOO.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun