“Argi ikusi duguna da erdigune hau modernizatzeko eta biziberritzeko beharra dagoela. Duela 15 urte oinezkoentzako gune bihurtu zuten baina denboraren eraginez zahartu egin da, logikoa denez. Horregatik eraldatzea behar du dendak indartzeko”, jarraitu du alkateak. Hartara, argiztatze hobeagoa izango du, argi-puntu gehiagorekin, izaera propioa duten inguruak lortzeko, erakargarriagoak baina aldi berean seguruagoak direnak, "dendetako erakusleihoei protagonismoa ere emanez". Zoladura aldatu eta berria ipiniko dute, oinezkoentzako eta garaje eta dendetara sartzen diren ibilgailuentzako baldintza egokiak beteko dituena. Halaber, lurpeko edukiontziak ere ipiniko dira Zabalan eta Torrenen, horrela ingurua zabalagoa eta erosoagoa izateko.
Proiektuaren beste helburuetako bat, plazaren erdian dagoen espazio publikoa hobetzea da. “Jakin badakigu asko erabiltzen den lekua dela, bai kultura jarduerak egiteko bai herritarrak bertan egoteko, gurasoak eta beren seme-alabak bereziki. Horregatik, jolasgunea, 500 metro koadro inguruko jolasgunea izango da, eta aisiarako eremua handitu egingo ditugu. Plazako perimetro-berdeguneak mantendu egingo dira eta, gainera, altzari berriak ipiniko dira”, nabarmendu du tokiko agintariak.
Erakusketa
Proiektu horren zehetasun guztiak ezagutzeko, Algortako Torrene kaleko 3. zenbakian dagoen udal aretoan erakusketa zabalduko dute. Bertan, udalerrian egiteke dauden beste proiektu batzuk ere ikusi ahal izango dira: Neguriko Gernika parkea, Algortako Aldapa parkea, Getxo Antzoki berria, Romo Kultur Etxea eta BiscayTIK Zentro Teknologikoa, besteak beste. Erakusketa datorren ostegunetik, hilaren 3tik, ekainaren 13ra arte egongo da zabalik. Bere ordutegia ondokoa izango da: 11:00etatik 13:00etara eta 17:00etatik 20:00etara, astelehenetik ostiralera; 12:00etatik 14:00etara eta 18:00etatik 21:00etara, larunbatetan; eta 12:00etatik 14:00etara, igandetan.
Hilabete honetan hasiko dira Algortako Telletxe plaza eta inguruak zaharberritzeko lanak
Imanol Landa Getxoko alkateak Telletxe plaza zaharberritzeko proiektua aurkeztu du gaur goizean. Proiektuaren helburu nagusia "Algortako epizentro komertziala eta soziala suspertzea" da, adierazi duenez. Lanak hilabete honetan bertan hasiko dira eta abenduan bukatzea aurreikusi dute, Gabon garaia heldu baino lehen, "inguruko dendentzako garai hori oso garrantzitsua delako". Horretarako, 1.362.300 euroko aurrekontua dute. "4.400 metro koadro inguru dira Algortako auzotarren gozamen eta aisialdirako herriaren erdi-erdian dagoen eta jendetsua den plaza honetan eta bere inguruan (Torrene eta Zabala kaleetan) eraldatuko direnak, Getxoko leku publikorik garrantzitsuenak berritzeko eta egokitzeko prozesuari segida emateko", nabarmendu du udal agintariak. Gobernu taldearen proposamena, "salerosleekin, ostalariekin eta plaza eta inguruak erabiltzen dituzten herritarrekin irekitako prozesu parte-hartzailearen ondorioa da", Landaren hitzetan. Argazkian, Imanol Landa alkatea eta Joseba Arregi Hirigintza zinegotzia gaurko prentsaurrekoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun